Փողոցում վաճառվող մթերքը կարող է պարունակել վիրուսային տարրեր․ քաղաքապետարանը՝ դրանք չգնելու հորդորով

Երևանի քաղաքապետարանն այսօր հայտարարություն է տարածել, որում ասված է․

«Չնայած Երևանի քաղաքապետարանն ամենօրյա, իսկ այս օրերին նաև լրացուցիչ հատուկ հերթապահություն է սահմանել բացօթյա ապօրինի առևտուրը բացառելու համար, որոշ քաղաքացիներ, անտեսելով օրենքն ու նոր կորոնավիրուսի կանխարգելմանը միտված միջոցառումները, շարունակում են իրենց գործունեությունը: Ուստի քաղաքապետարանն զգուշացնում և հորդորում է՝ չգնել փողոցում, մայթերին վաճառվող սննդամթերքը: Դրանք համարվում են բարձր ռիսկայնությամբ, վտանգավոր մթերքներ, որոնք, չունենալով պահպանման անհրաժեշտ պայմաններ, կարող են պարունակել վիրուսային տարրեր:

Այդպիսի ապրանքների նկատմամբ չկա որակի վերահսկողություն:

Պահպանե՛ք և մի՛ վտանգեք ձեր առողջությունը»: