Онлайн
«Նորք» ինֆեկցիոն կլինիկական հիվանդանոցը ֆեյսբուքյան էջում լուսանկար է տեղադրել, որում ամբողջ բուժանձնակազմն է։ Մարդիկ , ովքեր ամեն րոպե վտանգելով սեփական կյանքը, պայքարում են այլոց կյանքը փրկելու համար։
«Մեր բուժանձնակազմը!!
Ամեն րոպե կյանքը վտանգելով կատարում են իրենց պրոֆեսիոնալ և մարդասիրական աշխատանքը (նկարում ողջ բուժանձնակազմի մի մասն է)!
Շնորհակալություն բոլորին !!»,- գրված է հիվանդանոցի ֆեյսբուքյան էջում։
Հիշեցնենք՝ ՀՀ առողջապահության նախարարության որոշման համաձայն՝ «Նորք» ինֆեկցիոն հիվանդանոցըն այս օրերին վերապրոֆիլավորվել է և այսուհետ սպասարկելու է միայն կորոնավիրուսային հիվանդության կասկածով և հաստատված պացիենտներին:
Այս պահի դրությամբ Հայաստանում կորոնավիրուսի հաստատված դեպքերի թիվը հասել է 30-ի՝ ներառյալ առաջին դեպքը։
