Հանրաքվեի քարոզարշավը կմեկնարկի փետրվարի 17-ին

Կենտրոնական ընտրական հանձնաժողովը (ԿԸՀ) հաստատել է ապրիլի 5-ին կայանալիք Սահմանադրության փոփոխությունների հանրաքվեի կազմակերպման և անցկացման հիմնական միջոցառումների ժամանակացույցը:

Ըստ այդմ՝ Սահմանադրության փոփոխությունների հանրաքվեի նախընտրական քարոզարշավը կմեկնարկի փետրվարի 17-ին, կավարտվի քվեարկության օրվանից մեկ օր առաջ։

Հիշեցնենք՝ փետրվարի 9-ին ՀՀ նախագահ Արմեն Սարգսյանը ստորագրեց հրամանագիր ապրիլի 5-ին Հայաստանում Սահմանադրության փոփոխությունների հանրաքվե անցկացնելու մասին։