Զինծառայողը կրակոցներ է արձակել իր կրծքավանդակի շրջանում. Քննչականն` այսօր մահացած զինվորի գործի մանրամասներով

ՀՀ քննչական կոմիտեն մանրամասներ է հայտնել Արցախի Պաշտպամության բանակի (ՊԲ) զինծառայողի մահվան դեպքի վերաբերյալ:

Հաղորդագրությունում ասված է.

«2020թ. հունվարի 30-ին՝ ժամը 13:15-ի սահմաններում, ՊԲ բանակային ուսումնական կենտրոնում, N զորամասի պարտադիր ժամկետային զինծառայող, շարքային Վահրամ Մկրտիչի Ավագյանն իրեն ամրակցված ԱԿՄ տեսակի ինքնաձիգից կրակոցներ է արձակել իր կրծքավանդակի շրջանում և ստացած հրազենային վնասվածքներով տեղափոխվել զինվորական հոսպիտալ, որտեղ ժամը 14:00-ին արձանագրվել է վերջինիս կենսաբանական մահը:

Դեպքի առթիվ առաջին կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել քրեական գործ, կատարվում է նախաքննություն»: