Онлайн
ՀՀ Քաղաքացիական ավիացիայի կոմիտեն իրազեկված է «RyanAir» ավիաընկերության հունվարի 28-ի Միլան-Երևան FR4456 չվերթի ընթացքում առաջացած խնդիրների մասին՝ կապված որոշ ուղևորների չփոխադրման հետ:
Այդ մասին հայտնում են քաղաքավիացիայի կոմիտեից՝ նշելով, որ միաժամանակ այդ խնդրի վերաբերյալ տեղեկացվել է «RyanAir» ավիաընկերության ղեկավարությանը:
«Ձեր իրավունքների մասին հստակ տեղեկություն կարող եք գտնել ԵՄ կանոնադրության փաստաթղթից՝ հատուկ ուշադրություն դարձնելով 1-9-ը հոդվածներին: ԵՄ կանոնադրությանը կարող եք ծանոթանալ հետևյալ կայքից https://eur-lex.europa.eu/resource.html…
Խնդիրների դեպքում կարող եք նաև դիմել “ՓԱՍԵՆՋԵՐ.ԷՅԵՄ” ՍՊԸ-ին /PASSENGER.AM/ ձեր իրավունքները պաշտպանելու համար»,-նված է տարածած հաղորդագրությունում:
Նշենք՝ նախօրեին «RyanAir» իռլանդական բյուջետային ավիաընկերության անկազմակերպ գործելաոճի հետևանքով՝ Միլան-Երևան FR4456 չվերթի մի քանի տասնյակ ուղևորների մերժվել է ինքնաթիռ նստեցման/գրանցման հարցում։
