Խոշոր գումարով լի պայուսակ՝ «Զվարթնոց»-ի մեկնման սրահում

«Հարգելի՛ ուղևորներ, եղե՛ք ուշադիր ձեր անձնական իրերի նկատմամբ»,-քաղաքացիներին հորդորում են «Զվարթնոց» միջազգային օդանավակայանից՝ տեղեկացնելով, որ նոյեմբերի 25-ին օդանավակայանի ավիացիոն անվտանգության ծառայության աշխատակցի կողմից մեկնման սրահում հայտնաբերվել է պայուսակ, որտեղ եղել է 11.445 ԱՄՆ դոլար, 44.400 ռուսական ռուբլի, 284.000 ՀՀ դրամ, 780 եվրո և անձնական այլ իրեր:

«Հայտնաբերված պայուսակը փոխանցվել է օդանավակայանի Կորած և գտնված իրերի բաժին»,-նշում են «Զվարթնոց»-ից: