Онлайн

«Զինվորի բաժին. վաճառքի ենթակա չէ» մակնշմամբ թթվասեր՝ Մասիսի մանկապարտեզում․Դատախազությունը տեղեկացվել է

2019-11-13 18:42 , Право, 134

«Զինվորի բաժին. վաճառքի ենթակա չէ» մակնշմամբ թթվասեր՝ Մասիսի մանկապարտեզում․Դատախազությունը տեղեկացվել է

Արարատի մարզի դպրոցներում և մանկապարտեզներում Սննդամթերքի անվտանգության տեսչական մարմնի վերահսկողական աշխատանքների արդյունքում պարզվել է, որ Մասիսի թիվ 1 և Գեղանիստ համայնքի «Մանուշակ» մանկապարտեզների խոհանոցները գործում են սննդամթերքի անվտանգությանը ներկայացվող պահանջների խախտումներով:

Այսպես՝ Գեղանիստի մանկապարտեզի խոհանոցում հայտնաբերվել է չմակնշված կարագ և թերի մակնշմամբ (բացակայել է հայերեն մակնշումը) պանիր, որոնց իրացումը կասեցվել է: Խոհանոցում եղել է նաև ժամկետանց մածուն և ձու, որոնք տեղում ոչնչացվել են:

Իսկ Մասիսի թիվ 1 մանկապարտեզում հայտնաբերվել է «Զինվորի բաժին. Վաճառքի ենթակա չէ» մակնշմամբ «ԽԱՔ» ՍՊԸ արտադրության 6 տուփ 200գ-ոց թթվասեր՝ մատակարարված «Ռուզ Մարտի» ՍՊԸ-ի կողմից: Այս կապակցությամբ հաղորդում է ներկայացվել ՀՀ դատախազություն:

Այս հանրակրթական հաստատությունում հայտնաբերվել է նաև բուսասերուցքային արտադրանք՝ պատրաստված բուսական յուղով՝ թթվասերի տեխնոլոգիայով, որի իրացումը մանկապարտեզում արգելված է: Թե թթվասերի, թե բուսասերուցքային արտադրանք իրացումը կասեցվել է:

Ստուգում է սկսվել «Զինվորի բաժին. Վաճառքի ենթակա չէ» մակնշմամբ թթվասեր մատակարարած «Ռուզ Մարտի» ընկերությունում:

Տեսչական մարմնիցՄասիսի թիվ 1 մանկապարտեզում վերահսկողութունը շարունակվում է, կկիրառվեն վարչական պատասխանատվության միջոցներ:

Лента

Рекомендуем посмотреть