Սերգեյ Շոյգուն չպատասխանեց հարցին՝ ե՞րբ $200 միլիոն վարկի դիմաց գնվող ռուսական զենքը կհասնի Հայաստան

Ռուսաստանի Դաշնության պաշտպանության նախարար Սերգեյ Շոյգուն անպատասխան թողեց Tert.am-ի հարցը՝ զենքի գնման համար 200 միլիոն դոլարի վարկի տրամադրման վերաբերյալ:

Հարցին՝ շուրջ մեկ տարի առաջ կնքված պայմանագիրը, որով Ռուսաստանը երաշխավորում է զենք տրամադրել Հայաստանին, ինչո՞ւ մինչ օրս չի կատարվել, Սերգեյ Շոյգուն որևէ պատասխան չտվեց:

Իսկ հարցին, թե կարո՞ղ եք մոտավոր ժամկետներ ասել՝ ե՞րբ կկատարվի պարտավորությունը, ե՞րբ զենքերը կլինեն Հայաստանում, ՌԴ պաշտպանության նախարարը կրկին չպատասխանեց: