Онлайн
Հունիսի 7-ին Թբիլիսի-Բաթումի ավտոճանապարհին վթարի ենթարկված Mercedes A160 մակնիշի 51TA100 պետհամարանիշով ավտոմեքենայի հինգ ուղևորների՝ Վրաստանի բուժհաստատություներում բուժօգնություն ստացած ՀՀ քաղաքացիների ֆինանսական պարտավորությունները կփոխհատուցի ՀՀ կառավարությունը: Այդ մասին որոշման նախագիծն ընդգրկված է կառավարության օգոստոստոսի 29-ի նիստի օրակարգում:
Վթարի հետևանքով զոհվել էր ՀՀ երեք քաղաքացի, հինգը ստացել էին տարբեր աստիճանի մարմնական վնասվածքներ:
Ըստ նախագծի հիմնավորման, Վրաստանի բուժհաստատություններում տուժածներին ցուցաբերված օգնության համար գոյացել են պարտքեր:
Ընդհանուր պարտքը՝ 16837,92 լարի կամ մոտ 6000 ԱՄՆ դոլար է:
«Քանի որ վերը նշված հիվանդները հետագա բուժումը Հայաստանում ստանալու նպատակով առանց վճարումների են դուրս գրվել Վրաստանի բուժհաստատություններից, նրանց ֆինանսական պարտավորությունների կատարումը երաշխավորել է ՀՀ դեսպանությունը:
Որոշմամբ հատկացված գումարը տրամադրվելու է Վրաստանում Հայաստանի Հանրապետության դեսպանությանը` Վրաստանի բուժհաստատություններում տուժածներին ցուցաբերված օգնության համար գոյացածպարտքերը փոխհատուցելու նպատակով»,- ասված է հիմնավորման մեջ:
