Մխիթար Հերացու արձանը կտեղադրվի Թեհրանի բժշկագիտության պուրակում - RadioVan.fm

Онлайн

Մխիթար Հերացու արձանը կտեղադրվի Թեհրանի բժշկագիտության պուրակում

2019-08-22 14:43 , Общество, 1163

Մխիթար Հերացու արձանը կտեղադրվի Թեհրանի բժշկագիտության պուրակում

Հայ մեծանուն գիտնական Մխիթար Հերացու արձանը կտեղադրվի Թեհրանի պետական բժշկական համալսարանի (ԹՊԲՀ) բժշկագիտության պուրակում։ Այդ մասին տեղեկացնում են Երևանի պետական բժշկական համալսարանից (ԵՊԲՀ)՝ նշելով, որԹեհրանի պետական բժշկական համալսարանի խորհուրդը որոշել է խորհրդանշական քայլով սկսել ԵՊԲՀ-ի հետ ապագա արդյունավետ աշխատանքն ու երկարաժամկետ կապերի հաստատումը:

«ԵՊԲՀ-ի գիատական խորհուրդը, հաշվի առնելով Թեհրանի պետական բժշկական համալսարանի եղբայրական քայլը, որոշում է կայացրել, որի համաձայն՝ Ավիցենայի արձանը տեղ կգտնի ԵՊԲՀ-ի կողմից առաջիկայում կառուցվող բժիշկների պուրակում»,-հայտնում են բուհի մամլո ծառայությունից:

ԵՊԲՀ ռեկտոր Արմեն Մուրադյանն էլ ֆեյսբուքյան գրառմամբ նշում է, որ ԹՊԲՀ պատվիրակության պաշտոնական այցը ԵՊԲՀ տեղի է ունեցել մայիսին, որի ընթացքում ձեռք են բերվել երկարաժամկետ և բազմակողմանի համագործակցության պայմանավորվածություններ։ Նոր ուսումնական տարում նախատեսվում են փոխայցեր, փորձի փոխանակման ծրագրեր, որոնք նոր հեռանկարներ կբացեն երկու համալսարանների ուսանողների և կլինիկական օրդինատորների համար։

Лента

Рекомендуем посмотреть