«Զվարթնոց» օդանավակայանում արդեն հասանելի են չվերթի ինքնուրույն գրանցման տերմինալներ: Այդ մասին տեղեկանում ենք «Զվարթնոց»-ի ֆեսբուքյան էջից։
«Ուրախ ենք տեղեկացնել, որ «Զվարթնոց» միջազգային օդանավակայանի մեկնման սրահում տեղադրված տերմինալների միջոցով այսուհետ հնարավոր է չվերթի համար ինքնուրույն գրանցվել:
Նշենք, որ տերմինալներից առայժմ կարող են օգտվել միայն «Աէրոֆլոտ» ընկերության այն ուղևորները, որոնք ճամփորդում են ձեռքի ուղեբեռով»,-ասված է տարածած հայտարարությունում: