Онлайн
2016թ. հուլիսի 10-ից մինչև օգոստոսի 10-ը Հայաստան բնական գազի մատակարարումը ժամանակավորապես կդադարեցվի. այս մասին հաղորդում է «Գազպրոմ Արմենիա» ընկերությունը՝ վկայակոչելով Վրաստանի գազատրանսպորտային ընկերության պաշտոնական ծանուցումը:
«Գազպրոմ Արմենիա»-ի հաղորդագրության համաձայն՝ գազամատակարարումը դադարեցվում է Վրաստանի տարածքում «Ղազախ-Սագուրամո» մայրուղային գազատարի վնասված հատվածներում վերականգնողական, գծային փականների փոխարինման, ինչպես նաև սողանքի շրջանում գազատարի նոր կառուցված հատվածի ներմիացման աշխատանքներ կատարելու նպատակով:
Ընկերությունը միևնույն ժամանակ տեղեկացնում է, որ ՀՀ սպառողների անխափան գազամատակարարումը կիրականացվի Աբովյանի ստորգետնյա գազապահեստարան կայանի հաշվին:
