Онлайн

Հրդեհ՝ Երևանի Հաղթանակի զբոսայգում․ այրվել է 1.5 հա բուսածածկույթ

2019-07-20 13:45 , Общество, 139

Հրդեհ՝ Երևանի Հաղթանակի զբոսայգում․ այրվել է 1.5 հա բուսածածկույթ

ՀՀ արտակարգ իրավիճակների նախարարության «911» ծառայությանը հուլիսի 19-ին, ժամը 21:48-ին ահազանգ է ստացվել, որ հրդեհ է բռնկվել Երևան քաղաքի Հաղթանակի զբոսայգում. այրվում է խոտածածկ տարածք:

Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր են մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:

Հրդեհի բարդության «ԲԻՍ-1» կանչով դեպքի վայր է մեկնել ևս մեկ մարտական հաշվարկ:

Հրդեհի բարդության «թիվ 2 կանչով» դեպքի վայր է մեկնել ԱԻՆ ՓԾ հրշեջ-փրկարարական ջոկատից վեց մարտական հաշվարկ և Աղետների բժշկության կենտրոնի հերթապահ բժիշկը:

Հրդեհը մեկուսացվել է ժամը 23:10-ին, մարվել՝ 01:25-ին:

Այրվել է 1.5 հա բուսածածկույթ:

Лента

Рекомендуем посмотреть