Մաթեմատիկայի միջազգային օլիմպիադայում (IMO) Հայաստանի թիմը նվաճել է երեք մեդալ

Միացյալ Թագավորությունում ավարտվել է մաթեմատիկայի միջազգային 60-րդ օլիմպիադան (IMO)։ Հայաստանի թիմը վերադառնում է երեք մեդալով՝ 2 արծաթ, 1 բրոնզ։ Արծաթե մեդալների են արժանացել Գագիկ Մագակյանը և Լյովա Փանոսյանը, բրոնզե մեդալի՝ Նորայր Բաղդասարյանը։ Թիմի ղեկավարը ԲՈԿ-ի նախագահ Սմբատ Գոգյանն է։

Հայաստանն IMO-ին մասնակցում է 1993 թվականից՝ այս ընթացքում նվաճելով 79 մեդալ (1 ոսկի, 22 արծաթ, 56 բրոնզ)։