Վաղը մայրաքաղաքի որոշ փողոցների երթևեկը կսահմանափակվի

«Երևանյան ամառ 2016» ծրագրի շրջանակում, Սահմանադրության օրվան և խորհրդանիշերին նվիրված միջոցառումներով պայմանավորված, ս.թ. հուլիսի 5-ին` ժամը 19.00-ից — 20.00-ն մայրաքաղաքի Ազատության հրապարակ — Թումանյան փողոց — Մաշտոցի պողոտա — Ամիրյան փողոց — Աբովյան փողոց — Թումանյան փողոց — Ազատության հրապարակ ճանապարհահատվածներում դադարեցվելու է տրանսպորտային երթեւեկությունը: Այս մասին տեղեկացնում է Երեւանի քաղաքապետարանը՝ պատճառվող անհարմարությունների համար հայցելով քաղաքացիների ներողամտությունը։