Զինվորը դեմքի շրջանում ինքն իրեն պատճառել է մահացու հրազենային վնասվածք․ Քննչական կոմիտեն՝ 19-ամյա զինծառայողի մահվան մանրամասներով

2019թ. հունիսի 26-ին՝ ժամը 13:30-ի սահմաններում, ՊՆ N զորամասիժամկետային զինծառայող, շարքային Հայկ Սուրենի Ալավերդյանն իրեն հատկացված ԱԿ-74 տեսակի ինքնաձիգով դեմքի շրջանում ինքն իրեն պատճառել է մահացու հրազենային վնասվածք:

Այդ մասին հաղորդում է ՀՀ քննչական կոմիտեն՝ հայտնելով, որ դեպքի առթիվ չորրորդ կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել է քրեական գործ, կատարվում է նախաքննություն:

Ավելի վաղ 19-ամյա զինծառայողի մահվան բոթը հայտնել էր ՀՀ պաշտպանության նախարարության մամլո խոսնակ Արծրուն Հովհաննիսյանը։