Գրոսմայստեր Սամվել Տեր-Սահակյանը՝ Գոայի միջազգային մրցաշարի հաղթող

Հայաստանը ներկայացնող գրոսմայստերներ Սամվել Տեր-Սահակյանի և Մանուէլ Պետրոսյանի հաղթանակով ավարտվեցին ելույթները Հնդկաստանում:

Գոա Նահանգում կայացած խոշոր միջազգային մրցաշարին մասնակցում էին 23 երկների 246 շախմատիստներ: Սամվել Տեր-Սահակյանը 10 հնարավորից վաստակեց 8 միավոր և գրավեց առաջին հորիզոնականը:

Նույնքան միավոր վաստակած Մանուէլ Պետրոսյանը Տեր-Սահակյանին զիջեց լրացուցիչ ցուցանիշներով և դարձավ երկրորդը: Նույնքան միավոր վաստակած Իդանի Պույան եզրափակեց լավագույն եռյակը: