​«Երես մի թեքիր փախստականից». երթ Երևանում` Փախստականների միջազգային օրվա առթիվ  

«Քայլենք փախստականների հետ», հասկանանք նրանց ապրումներն ու իրավունքները․ նրանք «վճարում են հակամարտությունների գինը»․ այս կարգախոսով Երևանի սրտում Միավորված ազգերի կազմակերպության Փախստականների հարցերով գերագույն հանձնակատարի գրասենյակի աջակիցները, գործընկերները և կամավորները քայլերթ են իրականացրել՝ մաս կազմելով այսօր նշվող Փախստականների միջազգային օրվա (World Refugee Day) առթիվ աշխարհի շատ երկրներում իրականացվող միջոցառումներին։

Աշխարհում օրական 44 400 մարդ հարկադրաբար լքում է իր տունը, յուրաքանչյուր երկրորդը՝ երեխա է։ 2018 թվականին պատերազմներից, հետապնդումներից և հակամարտություններից փախչող անձանց թիվը գերազանցել է 70 միլիոնը: Սա ամենաբարձր ցուցանիշն է, որը Միավորված ազգերի կազմակերպության (ՄԱԿ) փախստականների գործակալությունն արձանագրել է գրեթե 70 տարվա ընթացքում:

Հեղինակ՝ Լիաննա Մարգարյան