Онлайн
Վաղը՝ հունիսի 11-ին, Երեւան քաղաքի Կասյան փողոցի վերին հատվածում կվերաբացվի գյուղատնտեսական մթերքների առաջին տոնավաճառը: Տոնավաճառի մասնակիցները Հայաստանի տարբեր մարզերը ներկայացնող գյուղացիական տնտեսություններն են, որոնք ավանդույթի համաձայն՝ սպառողներին կներկայացնեն բացառապես սեփական արտադրանքը, ինչը փաստելու է գյուղատնտեսության աջակցության մարզային կենտրոնների կողմից տրված համապատասխան տեղեկանքը: Ի դեպ, տոնավաճառում առևտրային միջնորդների մասնակցությունը բացառելու նպատակով՝ կազմակերպիչների կողմից տեղում վերահսկողություն է իրականացվելու:
Գյուղացիական տնտեսությունների մասնակցությունը տոնավաճառներին անվճար է: Նրանց տրամադրվում է հարմարավետ վրաններ, վաճառասեղաններ, կշեռքներ և սայլակներ:
Գյուղմթերքների տոնավաճառը գործելու է յուրաքանչյուր շաբաթ և կիրակի օրերին:
Տոնավաճառն անցկացվում է 2011 թվականից՝ ՀՀ գյուղատնտեսության նախարարության նախաձեռնությամբ և Երեւանի քաղաքապետարանի աջակցությամբ:
