Онлайн
Այսօր Ստեփանակերտի Վերածննդի հրապարակում հանդիսավոր արարողությամբ մեքենաներ են հանձնվել ապրիլյան քառօրյա պատերազմի ժամանակ ծանր վիրավորված մի խումբ զինվորների եւ սպաների (թվով 6 հոգի):
Այդ մասին տեղեկանում ենք Արցախի Հանրապետության նախագահի պաշտոնական ինտերնետային կայքից:
Հայրենանվեր այդ ձեռնարկը կյանքի է կոչվել ռուսաստանաբնակ բարերար Կարեն Խաչատրյանի շնորհիվ:
Մեքենաների հանձնման հանդիսավոր արարողությանը ներկա Արցախի նախագահ Բակո Սահակյանը երախտագիտություն է հայտնել ռուսաստանաբնակ հայազգի բարերարին՝ այդպիսի նախաձեռնությունները համարելով պահանջված:
