Онлайн
Այսօր Երևանի կենդանաբանական այգու նախամուտքում գործարկվել է արևային էներգիայով սնուցվող էլեկտրական հեծանիվների լիցքավորման շրջիկ կայան: Այն «Արևորդի» հասարակական կազմակերպության նախագիծն է, որն իրականացվել է կենդանաբանական այգու գործընկեր կառույցների աջակցությամբ՝ «Կանաչ շարժունակությունը» ծրագրի շրջանակում:
Բացման հանդիսավոր արարողությանը ներկա գտնվել և առաջիններից մեկն էլեկտրական հեծանիվ է վարել Երևանի քաղաքապետի տեղակալ Արամ Սուքիասյանը: «Քաղաքապետարանն իր լիազորությունների շրջանակում պատրաստ է աջակցել էլեկտրական հեծանիվների մասսայականացման նախաձեռնություններին»,-վստահեցրել է փոխքաղաքապետը
Նշենք, որ արևային էներգիայով սնուցվող էլեկտրական հեծանիվների ևս 3 հիմնական լիցքավորման կայաններ առաջիկայում կգործարկվեն մայրաքաղաքի տարբեր հատվածներում։
