ՀՀ կառավարությունն այսօրվա նիստում 2017 թվականի սեպտեմբերի 18-ի աշխատանքային օրը մեկ այլ օր տեղափոխելու մասին որոշում է ընդունել: Ըստ այդմ՝ աշխատանքային կլինի սեպտեմբերի 23-ը` շաբաթ օրը:
««Աշխատանքային օրը տեղափոխելու մասին» ՀՀ կառավարության որոշման նախագծի ընդունումը նպատակ ունի հնարավորություն ընձեռնել Հայաստանի Հանրապետության քաղաքացիներին` Խաչվերացի` սեպտեմբերի 17-ին հաջորդող հիշատակի օրն այցելելու իրենց ննջեցյալների գերեզմանները»,-ասված է որոշման հիմնավորման մեջ: