«Գիշերն եկել, մեր սառնարանների կոմպրեսորների վրա կիսլատա են լցրել։ Չգիտեմ ովա արել, բայց իրենց հաստատ դուր չի գալիս, որ մենք բանան ենք ներկրում»,-այդ մասին ֆեյսբուքյան իր էջում գրել է ընկերության սեփականատեր Վահրամ Միրաքյանը՝ ընդգծելով, որ արաքի հեղինակները «լավ իմացել են ինչ են անում, ամենակարևոր տեղերում են լցրել կիսլատան»։
Վահրամ Միրաքյանը դեպքի մասին տեղեկացրել է նաև 102 ծառայությանը, սպասում է ոստիկանության գործողություններին։ «Էս պահին կիսլատան շարունակում է քայքայել սառնարանը, դեռ չենք մաքրում, որ ոստիկանությունը գա, մատնահետքեր վերցնի կամ նման մի բան»,-եզրափակել է գրառումը գործարարը: