Իտալական նավահանգստային Ջենովա քաղաքում երթևեկելի կամուրջ է փլուզվել։ Այդ պահին կամրջի վրա մեքենաներ են եղել։
Տեղի շտապօգնության ծառայության տվյալներով՝ տասնյակ մարդիկ են զոհվել:
Ավելի վաղ երկրի ներքին գործերի նախարարությունը հաստատել է փլուզման հետևանքով 11 մարդու մահը, այդ թվում՝ 1 երեխայի։ Եվս 7 մարդ հոսպիտալացված է, նրանցից 5-ի վիճակը ծանր է։
Իտալիայի տրանսպորտի նախարարը տեղի ունեցածը գնահատել է որպես «ահռելի ողբերգություն»:
Փրկարարական ծառայությունների հաղորդմամբ՝ 1960-ականներին կառուցված կամուրջը փլուզվել է կեսօրին մոտ՝ տեղատարափ անձրևի ժամանակ:
Ականատեսների վկայությամբ էլ կամուրջը փլուզվել է կայծակի հարվածի հետևանքով։
Նշվում է, որ կամուրջը, որով անցնում էր A10 ավտոմայրուղին, վերակառուցվել է 2016թ.: Այն անցնում էր գետի, երկաթուղու ու մի շարք շինությունների վրայով:
Պատրաստեց՝ Լիաննա Մարգարյանը