Նիստի ավարտին, Նիկոլ Փաշինյանը
«Մայիսի 8-ից հետո կառավարությանն ուղղված նամակների թիվն աննախադեպ մեծ ծավալների է հասնում: Անհրաժեշտ է դրանց մշակման գործընթացը դարձնել առավել արդյունավետ»,-այդ մասին այսօր ՀՀ կառավարության նիստի ավարտին ասել է վարչապետ Նիկոլ Փաշինյանը՝ կառավարության աշխատակազմին հանձարարելով մանրակրկիտ քննարկել դիմումներն ու ժամանակին արձագանքել քաղաքացիներին:
«Ցավոք, քաղաքացիներին շատ դեպքերում տրվում է ստանդարտ, ցրողական պատասխան: Հասկանում եմ, որ կան համակարգային խնդիրներ, պետք է հասկանանք, թե այս ոլորտում ինչպես բարձրացնենք արդյունավետությունը: Պետք է խստագույնս պահպանել դիմումներին պատասխանելու ժամկետները»,-միաժամանակ նշել է կառավարության ղեկավարը:
Նախարարներին, պետական մարմինների ղեկավարներին, մարզպետերին, Երևանի քաղաքապետի պաշտոնակատարին գործադիրի ղեկավարի կողմից հանձնարարվել է յուրաքանչյուր ամիս առնվազն մեկ անգամ քաղաքացիների ընդունելություն կազմակերպել: