Աթենքի արվարձաններում շուրջ 40 աստիճան տաքության և ուժեղ քամիների պայմաններում հրդեհներներ են բռնկվել։
Հունաստանի մայրաքաղաքի արևմուտքում և արևելքում գրանցված բռնկումների հետևանքով զոհվածների թիվը հասել է 50-ի, տուժածների թիվը մոտ 156 է:
Հունաստանում Հայաստանի դեսպանությունից հայտնում են, որ նախնական տվյալներով հրդեհների հետևանքով զոհերի և տուժածների թվում ՀՀ քաղաքացիներ և հայեր չկան:
ՀՀ դեսպանությունից նշում են, որ մշտական կապի մեջ են տեղի իշխանությունների և հայ համայնքային կառույցների հետ:
Հաղորդվում է, որ Հունաստանի Ատտիկա և մյուս շրջանում տեղի ունեցող հրդեհների հետևանքով տուժած ՀՀ քաղաքացիների համար Հայաստանի դեսպանությունում գործում է թեժ գիծ:
«Զոհերի կամ վիրավորների վերաբերյալ տեղեկություն ունենալու դեպքում խնդրում ենք զանգահարել (+30) 2106831130 կամ (+30) 6989479827 հեռախոսահամարներով»,-նշում են Հունաստանում ՀՀ դեսպանությունից:
Պատրաստեց՝ Լիաննա Մարգարյան