Երևանի քաղաքապետ Տարոն Մարգարյանը դեռևս 2-3 օր առաջ հրաժարականի դիմում է գրել:
Այս մասին «Ազատություն» ռադիոկայանին հայտնել է Երևանի ավագանու «Ելք» խմբակցության ավագանու անդամ Դավիթ Խաժակյանը:
Մինչդեռ, Երևանի քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանը հերքում է տեղեկատվությունը։ Նրա խոսքով՝ Տարոն Մարգարյանի հրաժարականի մասին լուրերը չեն համապատասխանում իրականությանը:
Նշենք, որ Երևանի ավագանու նախօրեին կայացած նիստը վարել է փոխքաղաքապետ Կամո Արեյանը, ով հարցին, թե ինչու Տարոն Մարգարյանը չի մասնակցում նիստին, պատասխանել է, թե քաղաքապետը առողջական խնդիրներ ունի: