Онлайн
Իսպանիայի ուժային ծառայությունները՝ Եվրոպոլի հետ համագործակցությամբ, այսօր առավոտյան գործողություններ են իրականացրել «հայկական մաֆիայի»դեմ: Երկրի տարբեր բնակավայրերում, մասնավորապես, Մադրիդում, Բարսելոնայում, Վալենսիայում, Ալիկանտեում, խուզարկություններ են իրականացվել։
«Catalannews»-ի փոխանցմամբ՝ Իսպանիայի և Կատալոնիայի ոստիկանությունների համատեղ գործողության ընթացքում 142 մարդ է ձերբակալվել։ Ձերբակալված անձինք կասկածվում են թմրանյութերի և զենքի ապօրինի շրջանառության, ծխախոտի մաքսանենգության, փողերի լվացման, սպորտային խաղադրույքների հետ կապված խարդախության և Եվրոպայում իրականացված հանցագործությունների մեջ ներգրավված հանցախմբին անդամակցության համար:
Ձերբակալվածների մեծ մասը Հայաստանի քաղաքացիներ են:
