Տուգանքների համաներման մասին ՃՈ որոշումից հետ եղել են նաև դժգոհություններ։ Այդ մասին կառավարության այսօրվա նիստում բարձրաձայնեց ՀՀ ոստիկանապետ Վալերիյ Օսիպյանը:
«Բարեխիղճ քաղաքացիները, ովքեր վճարել են, ասում են՝ վերադարձրեք մեր գումարները, տարբեր կարծիքներ կան համացանցում, հիմա պետք է մենք փորձենք բացատրել եղելությունը ու մեր կայացրած այս որոշման հետևանքները»,-ասաց ոստիկանապետը՝ դիմելով վարչապետին։
«Պետք է տեսակետները քննարկել ու կայացնել հավասարակշռված որոշում»,-արձագանքեց վարչապետ Նիկոլ Փաշինյանը՝ միաժամանակ նշելով, որ, ենթադրվում է, կան լուծումներ: ,
«Այո, բարեխիղճ քաղաքացիները վճարել են, շատ-շատերը չեն վճարել, որովհետև մեծ հավանականությամբ չեն ունեցել: Հիմա պարոն Միրզոյանն էլ է ասում վճարել է, ես էլ եմ վճարել, դո՞ւք էլ եք վճարել պարոն Օսիպյան, իսկ պարոն Զեյնալյանը նախկինում չի վճարել, բայց որոշել է քաղաքական իրավիճակի փոփոխություններից հետո վճարել»,-ասաց գործադիրի ղեկավարը՝ նկատելով, որ այստեղ հարցի կարևոր առանցքը քաղաքական շեշտադրման մեջ է, «այսինքն՝ քաղաքացին իրեն չպետք է զգա որպես տուգանվելու օբյեկտ, որի հետևից պետությունը ընկած ուզում է մի տեղբռնի ու տուգանի»:
Հիշեցնենք՝ ՀՀ ճանապարհային ոստիկանությունը նախօրեին հայտարարեց, որ մայիսի 23-ից սկասած տեսախցիկների արձանագրած որոշ խախտումներով վարորդներն այլևս չեն տուգանվ, իսկ 12-17 թթ. ՃՈ տուգանքները չեղարկելու նպատակով կդիմի ՀՀ արդարադատության նախարարությանը՝ առաջարկելով միջնորդել ՀՀ կառավարությանը՝ ՀՀ Ազգային ժողովում հանդես գալ համաներման ակտ ընդունելու նախաձեռնությամբ: