Քաղաքացիական հագուստով բերման ենթարկող անձինք ոստիկանության ծառայողներ են. Աշոտ Ահարոնյան - RadioVan.fm

Онлайн

Քաղաքացիական հագուստով բերման ենթարկող անձինք ոստիկանության ծառայողներ են. Աշոտ Ահարոնյան

2018-04-20 14:16 , Право, 1844

Քաղաքացիական հագուստով բերման ենթարկող անձինք ոստիկանության ծառայողներ են. Աշոտ Ահարոնյան

ՀՀ Ոստիկանությանլրատվությանևհասարակայնությանհետ կապերի վարչության պետ Աշոտ Ահարոնյանը Ֆեյսբուքյան իր էջում գրառում է կատարել՝ անդրադառնալով այս օրերին մայարքաղաքի փողոցներում քաղաքացիական հագուստով անձանց կողմից քաղաքացիներին բերման ենթարկելու հանգամանքին:

«Պայմանավորված Նիկոլ Փաշինյանի կողմից կազմակերպված հավաքի մասնակիցների կողմից հասարակական կարգը խախտող խմբային գործողություններով, ոստիկանությունը ներկա պահին իրականացնում է ոչ միայն հասարակական կարգի պահպանության, այլև հանցագործությունների և վարչական իրավախախտումների կանխման, խափանման գործողություններ: Նշված գործողությունների ընթացքում ոստիկանությունը կարող է օգտագործել նաև այլ ուժեր:

Հայտարարում ենք, որ քաղաքացիական հագուստով բերման ենթարկելու գործողություն իրականացնող անձինք ոստիկանության ծառայողներ են, որոնց գործողությունների համար ամբողջ պատասխանատվությունը կրում է ոստիկանությունը:

Հիշեցնում ենք, որ վերջին օրերին ոստիկանությունը հրապարակել է մեկ տասնյակից ավելի հայտարարություններ և հաղորդագրություններ, որոնք տարածվել են նաև զանգվածային լրատվության միջոցներով: Մասնավորապես, բազմիցս նախազգուշացվել է, որ փողոցներ փակելը, երթևեկությանը խոչընդոտելը, ինչպես նաև այդպիսի գործողությունները դադարեցնելու վերաբերյալ ոստիկանության օրինական պահանջները չկատարելը իրավախախտումներ են, որոնք կկանխվեն և կխափանվեն ոստիկանական հարկադրանքի միջոցներով:

Ոստիկանությունը պարզաբանում է հավաքի իրավախախտ մասնակիցներին, որ ոստիկանության կողմից վերը հիշատակված բազմաթիվ նախազգուշացումները, կոչերը և հայտարարությունները դրանք հրապարակելու ուժով արդեն իսկ հանդիսանում են պաշտոնապես ներկայացված օրինական պահանջներ, որպիսի փաստի առկայությամբ՝ դրանց չկատարումը իրավաչափորեն հանգեցնելու է բացասական իրավական հետևանքների»,-գրել է Ահարոնյանը:

Лента

Рекомендуем посмотреть