Հանրապետության հրապարակում 19:00-ին նախանշված «Իմ քայլը» նախաձեռնության հանրահավաքը մեկնարկեց թմբուկների զարկի, ծափերի, բազմության գլխավերևում ձգվող եռագույնի և ՀՀ օրհներգի հնչյունների ներքո:
Կազմակերպիչները հայտարարեցին, որ 100մետր երկարություն ունեցող եռագույնն իրենց ուղարկել է Իսպանիայի հայ համայնքը և, որ այն կարվել է ապրիլյան պատերազմի ժամանակ:
Այնուհետ անդրադառնալով իրենց շարժման համախոհների օրեցօր ավելանալու հանգամանքին` «Իմ քայլը» նախաձեռնության անդամ Արմեն Գրիգորյանն ընդգծեց, որ այսօր ոչ միայն Երևանում են իրադարձություններ տեղի ունեցել, այլև մարզերում: Նա տեղեկացրեց, որ Գյումրիում քայլերթ է եղել, պետական շենքերի շրջափակումներ, գործողություններ են իրականացվել նաև Մոսկվայում և Սփյուռքում: Սփյուռքից, նրա խոսքով, հայտնել են, որ 10 000 ամերիկյան դոլար կտան այն ոստիկանին, ով առաջինը կմիանա հրապարակում կանգնած ցուցարարներին: