Ոուսական «МУЗ-ТВ» հեռուստաընկերությամբ հեռարձակվող «Отпуск Без Путёвки» հաղորդման հեղինակ Անդրեյ Ռազիգրայեվը, ով շրջում է տարբեր քաղաքներ, հեռուստադիտողին ներկայացնելով, թե տվյալ քաղաքում/երկրում ուր այցելել, ինչ ուտել և ինչ տանել ընկերներին, այս անգամ Հայաստանում է:
«Չնայած փաստին, որ ԵրևանըՀռոմից 29 տարով ավելի մեծ է՝ այստեղ նավթալինի հոտ ընդհանրապես չկա»,-այսպես է սկսում Ռազիգրայեվը Հայաստանի մասին պատմող իր հաղորդումը՝ նկատելով, որ այդ երկիր պետք է այցելել առանց նախազգացումների ու կարծրատիպերի:
«Հենց այդ ժամանակ է, որ երկիրը ձեր առջև բացվում է ողջ գեղեցկությամբ»,-նշում է հեղինակը:
Անդրեյ Ռազիգրայեվը, ով վստահեցնում է, որ Հայաստանում իր արձակուրդն առանց ուղեգրի այնքան բազմազան է անցկացրել, որ տպավորությունները դեռ երկար կապրեցնեն, պարտադիր այցելությունների ցուցակում ներառել է «Մեգերյան կարպետ» ընկերությունը, Խոր Վիրապ եկեղեցին, Գառնու տաճարը, Զիփլայնը, Հյուսիսային պողոտան, որն, ի դեպ, ներկայացվում է որպես Երևանի ամենաէլեգանտ փողոցը, Երևանի կենտրոնական շուկան:
Գումի շուկա ռուս լրագրողը խորհուրդ է տալիս կամ կուշտ այցելել՝ քիչ գնումներ կատարելու համար, կամ էլ, լրիվ հակառակը, սոված, քանի որ այնտեղ ամեն ինչից հյուրասիրում են:
«Այդ դեպքում ինչի փոխանակեցի ռուսական ռուբլին»,-տարակուսում է Անդրեյ Ռազիգրաևը: