Ախթալայի լեռնահարստացման կոմբինատը շրջակա միջավայրին 5 մլն դրամի վնաս է պատճառել

Ս.թ. հունվարի 16-ից փետրվարի 4-ը ՀՀ ԲՆ բնապահպանության և ընդերքի տեսչական մարմինն ստուգում է անցկացրել «Ախթալայի ԼՀԿ» ՓԲԸ-ում, որի արդյունքում պարզվել է, որ ընկերությունը խախտել է մի շարք օրենքների պահանջներ:

Մասնավորապես.

1. ՀՀ ջրային օրենսգրքի 27-րդ, 37-րդ հոդվածների հետևյալ պահանջները.

•իրականացվել է ջրօգտագործման թույլտվությունից ավելջրառ,

•սահմանված կարգով չի իրականացվելջրառի հաշվառում,

•չի մշակվել արդիական տեխնոլոգիաների կիրառման ջրային ռեսուրսների մոնիտորինգ, բարելավող և աղտոտման նվազեցման, կանխման միջոցառումներ,

•չի մշակվել և իրականցվել ջրակորուստների կրճատման և նորմավորման ջրաքանակների արդյունավետ օգտագործման միջոցառումների ծրագիր,

•2017 թվականի վթարի հետևանքովարտադրական հոսքաջրերն աղտոտել են 200 մ2 հողային տարածք, ինչը ՀՀ ԲՆ բնապահպանության և ընդերքի տեսչական մարմնի պահանջով մաքրվել է,

•նշված խախտումների համար «Վարչական իրավախախտումների վերաբերյալ» ՀՀ օրենսգրքի 63-րդ հոդվածի 2-րդ կետը նախատեսում է վարչական պատասխանատվություն 200.000 ՀՀ դրամի չափով, ինչպես նաև հաշվարկվել է ջրային ռեսուրսների աղտոտման և ավել ջրառի համար ջրային ռեսուրսներին հասցված վնաս 3.070.914 ՀՀ դրամի չափով։

2. «Մթնոլորտային օդի պահպանության մասին» ՀՀ օրենքի 12-րդ և 15-րդ հոդվածների պահանջները.

•մթնոլորտային օդ է արտանետվել թույլտվությունից ավել փոշի և առանց թույլտվության ածխածնի ազոտի օքսիդներ,

•նշված խախտումների համար «Վարչական իրավախախտումների վերաբերյալ» ՀՀ օրենսգրքի 80-րդ հոդվածը նախատեսում է վարչական պատասխանատվություն 150.000 ՀՀ դրամի չափով, ինչպես նաև մթնոլորտային օդին հասցված վնասը կազմում է 1.933.060 ՀՀ դրամ։

3. «Թափոնների մասին» ՀՀ օրենքի 12-րդ և 13 –րդ հոդվածների պահանջները.

•չի մշակվել թափոնների անձնագրերը և թափոնների գոյացման և տեղադրման սահմանաքանակները,

•նշված խախտումների համար «Վարչական իրավախախտումների վերաբերյալ» ՀՀ օրենսգրքի 2011 հոդվածը նախատեսում է վարչական պատասխանատվություն 50.000 ՀՀ դրամի չափով։

4. «Ընդերքի մասին» ՀՀ օրենսգրքի 61-րդ և 69-րդ հոդվածների պահանջները.

•բնության և շրջակա միջավայրի պահպանության դրամագլխին սահմանված կարգով վճարները չեն կատարվել,

•օգտակար հանածոների արդյունահանված տարածքի, արդյունահանման ընթացքում առաջացած արտադրական լցակույտերի տեղադրման և դրանց հարակից համայնքների բնակչության անվտանգության և առողջության ապահովման նպատակով մշտադիտարկումների վճարները սահմանված կարգով չեն կատարվել,

•նշված խախտումների համար «Վարչական իրավախախտումների վերաբերյալ» ՀՀ օրենսգրքի 601-րդ հոդվածը նախատեսում է վարչական պատասխանատվություն 150.000 ՀՀ դրամի չափով, ինչպես նաև նախազգուշացում` խախտումները վերացնելու համար։

Այսպիսով, ինչպես նշում են ՀՀ բնապահպանության նախարարությունից, նշված խախտումներն առաջացնում են շրջակա միջավայրին հասցված վնասի վերականգնում 5.003.974 ՀՀ դրամ և վարչական պատասխանատվություն` 200.000 ՀՀ դրամի չափով։