«Առաջարկում եմ ֆլեշ անել, ցույց տալ մեր քաղաքի ենթակառուցվածքների ու ցանցերի վիճակը»,-քաղաքացիներին ուղղված այս առաջարկությամբ է հանդես եկել ճարտարապետ Արսեն Կարապետյանը:
«Սա մեր մուտքի բաշխիչ տուփի նման մի արտեֆակտ է։ Սենց բան տեսնելուց նորմալ պայմաններում էլեկտրացանցի, ԱԻՆ-ի, քաղաքապետարանի, թաղապետարանի, հրշեջ ծառայության ներկայացուցիչները պետք է կամ գնդակահարություններ սկսեին կամ ինքնահրկիզվեին, բայց մեզանում միայն գոնե դպրոցական կրթություն ունեցող մարդիկ են տարակուսում, էն էլ եթե նկատեն,-տեղադրելով ասվածը փաստող լուսանկար՝ գրում է Արսեն Կարապետյանը՝ հավելելով,-ընդ որում, սա էլ ցանցերինն է, իսկ մեր ընտանիքը /եւ ամբողջ մուտքի բնակիչները/ տասնամյակներով վճարել ենք իրենց իսկ սահմանած գներով, իսկ մի լումա ուշացնելու դեպքում հետեւներիցս ընկնում են սպառնալիքներով եւ ահաբեկելով»։
«Հիմա դուք ցույց տվեք, ձեր մոտ ինչ վիճակ ա»՝ #Yerevan_infrastructure_XXI հեշթեգով բնակիչներին է դիմում ճարտարապետը:
Հորդորին հաջորդել են այս լուսանկարները.