Онлайн
«Ժողովուրդ ջան, Աֆրիկայի շունչը զգում եք՞՞՞»,-այս հարցադրմամբ ֆեյսբուքյան իր էջում օգտատերերին է դիմում ԱԻՆ հիդրոմետ ծառայության օդերեւութաբանության կենտրոնի պետ Գագիկ Սուրենյանը, ով երեկ տեղեկացրել էր, որ Աֆրիկայի արևադարձային լայնություններից լուսադեմին Հայաստան կներթափանցեն տաք հոսանքներ:
Այդպիսով, Սուրենյանի՝ «հունվարի 20-ից գարուն է գալու» կանխատեսումը իրականանում է: «Գարուն ասվածը չի նշանակում, թե ապրիլ կլինի, ծառերը կծաղկեն: Ձմռան համար շատ բարձր ջերմաստիճան կլինի, բայց՝ մարտին հատուկ»,-«Հայկական ժամանակ»-ի հետ զրույցում ասել է Հիդրոմետ ծառայության օդերեւութաբանության կենտրոնի պետը՝ նշելով, որ եղանակը հանրապետությունում կլինի փոփոխական՝ ինչպես սովորաբար դիտվում է մարտին:
