Այսօր՝ հուլիսի 4-ին, դժբախտ դեպք է տեղի ունեցել Տավուշի մարզի Կողբ գյուղում: Գյուղի բնակիչ 96-ամյա Իսկուհի Հարությունյանը մահացել է՝ ընկնելով իր իսկ վառած կրակի մեջ։ Համայնքի նախկին ղեկավար Արամայիս Աբովյանը «Ռադիո Վանի» լրատավականի հետ զրույցում ներկայացնելով դեպքը՝ պատմել է, որ կինը որոշել է մաքրել իր տան այգին, հավաքել է չորացած խոտերը ու ավելորդ ցախերը, այրել դրանք:
Թե ինչպես է տատիկը հայտնվել կրակի մեջ՝ դեռ պարզ չէ: Արամայիս Աբովյանը միայն հավելեց, որ հարևանի աղջիկը նկատել է ծուխը, վազել, բայց արդեն ուշ է եղել՝ կինն այրվել էր:
96-ամյա տատիկը միայնակ էր ապրում: