Հայաստանի Պետական եկամուտների կոմիտեի նախագահ Հովհաննես Հովսեփյանը հրաժարականի դիմում է ներկայացրել,-այս մասին հայտնում է Aysor.am-ը՝ հղում անելով իր աղբյուրին: Այդ պաշտոնում, ըստ տեղեկատվության, նշանակվելու է «Գազպրոմ Արմենիա» ընկերության ղեկավար Վարդան Հարությունյանը:
Հիշեցնենք, ՀՀ նախագահ Սերժ Սարգսյանի՝ 2016 թվականի մարտի 3-ի հրամանագրով, Հովհաննես Հովսեփյանն ազատվելով Հայաստանի Հանրապետության նախագահի վերահսկողական ծառայության ղեկավարի պաշտոնից՝ նշանակվեց Հայաստանի Հանրապետության կառավարությանն առընթեր Պետական եկամուտների կոմիտեի նախագահ: